സുഗത സ്മൃതിയിൽ

ഇവൾ അമ്മയാണ്

കിളികൾക്ക് മലകൾക്ക്

പുഴകൾക്ക് പുൽകൾക്ക്

പുഴുക്കൾക്ക് ...

കണ്ണീരാൽ കവിത ചാലിച്ചൊരമ്മ

സുഗതയാമമ്മ

ഇടനെഞ്ചിലക്ഷരം ചാലിച്ചു

നീ തീർത്ത നവ്യ സുഗന്ധിയാം

കാവ്യ കുസുമങ്ങൾ

ഇന്നു നിൻ പാദത്തിലർപ്പിച്ചു

നിൻ സ്മൃതിയിൽ അലിയട്ടെ ഞങ്ങൾ..

-പ്രശാന്ത് കണ്ണോം-

പുതുവർഷപ്പെണ്ണ്

മാനത്ത് താരകങ്ങളും മേഘശകലങ്ങൾക്കിടയിലൂടെ ഒളികണ്ണെറിഞ്ഞ് അമ്പിളിയും

പുതുവർഷ കനൃയെ കാത്തിരുപ്പായി.

ഇക്കുറി എന്തൊക്കെ കുസൃതികളാണാവോ

അവൾ ഒളിപ്പിച്ചു വെച്ചിരിക്കുന്നത്.

പോയ കാലത്തിന്റെ നൊമ്പരങ്ങൾക്ക്

സാന്ത്വനമേകാൻ അവൾക്കാകുമോ..?

കാലത്തിന്റെ മുഖമറ നീക്കാൻ

നമുക്കും അവളുടെ കൂട്ടു കൂടാം...

-പ്രശാന്ത് കണ്ണോം-