(പ്രിയ വിനുവേട്ടന്...)
വിസ്മയമേകും വാർത്തകൾ കോർത്ത്
വിശ്വമെങ്ങും പുകൾപെറ്റ പത്രമാം
വിജ്ഞാന ധാമമാം മാതൃഭൂമി തൻ
വിശ്വാസമാർജ്ജിച്ച് കർമ്മനിരതനായി
വിനോദമേകുമീ വദന കാന്തിയും
വിവേകമാർന്നൊരീ കർമ്മ ശുദ്ധിയും
വിടയേകുന്നൊരീ ധന്യ വേളയിൽ
വിരഹ വ്യഥയാണെന്റെയുളളിലും
വിനോദ് ചന്ദ്രനാം നാമധേയത്തിൽ
വിശ്വനാഥനാമീശന്റെ കാരുണ്യം
വീശിടേണമേ ശിഷ്ട കാലത്തും
വിശ്വമുള്ളോരു കാലം വരേക്കുമേ.
-പ്രശാന്ത് കണ്ണോം-
