കേരള പിറവി ദിനം

WELCOME....

prasanthkannom.blogspot.com

നവമ്പർ 1

കേരള പിറവി ദിനം

കേരളം

............

കേരനിരകൾതൻ ശീതളച്ഛായയിൽ

കേരളമേ നീ വിളങ്ങീടുന്നു

കായലിൻ കുഞ്ഞോളം പുൽകുന്നതീരങ്ങൾ

കാടും മലയും കാട്ടാറുകളും

കുഞ്ഞരിപ്പൂക്കൾ കിളികൾ ശലഭങ്ങൾ

കനകം വിളയുന്ന പാടങ്ങളും

കാവുകൾ പള്ളികൾ ഉത്സവക്കാഴ്ചകൾ

കാലത്തിൻ കണ്ണാം കലാരൂപങ്ങൾ

കേരളം കാലത്തിനൊപ്പം കുതിക്കുമ്പോൾ

കൈകോർക്കാം സ്നേഹം പകർന്നു നീങ്ങാം

സർദാർ വല്ലഭായ് പട്ടേൽ ജന്മദിനം -പ്രണാമാം

WELCOME...

prasanthkannom.blogspot.com

ഒക്ടോബർ 31

സർദാർ വല്ലഭായ് പട്ടേൽ ജന്മദിനം

പ്രണാമാം

..................

ഉരുക്കിൻ കരുത്തുമായ് ഭാരത ജനതയെ

ഉൾക്കാഴ്ചയോടെ നയിച്ച ധീരൻ

ഉയരങ്ങൾ താണ്ടുമ്പോൾ വിനയം വെടിയാത്ത

ഉത്തമനായ ഭരണാധിപൻ

ഉത്ഥാനവീരനാം സർദാർപട്ടേലിൻ

ഉള്ളുയിർ ശാന്തിക്കായ് പ്രാർത്ഥിച്ചിടാം

പ്രണാമം-ചെറുകാടിന്റെ വേർപാടിന്റെ ഓർമ്മദിനം- പ്രശാന്ത് കണ്ണോം

Welcome....

prasanthkannom.blogspot.com

ഒക്ടോബർ-28

പ്രശസ്ത സാഹിത്യകാരനായിരുന്ന

ചെറുകാടിന്റെ വേർപാടിന്റെ ഓർമ്മദിനം

പ്രണാമം

................

ചെമ്മലശ്ശേരിയാം പുണ്യഭൂവിൽ

ചെറുകാട് നാമത്തിൽ തൂലികയാൽ

ചെമ്മണ്ണിൻ ഗന്ധമറിഞ്ഞെഴുതി

ചെറുലോകം ചുറ്റും ചമച്ചെടുത്തു

ചെറുതല്ലൊരിക്കലും നിൻസൃഷ്ടിവൈഭവം

ചിരകാലം മണ്ണിൽ വിളങ്ങീടട്ടേ.....

പ്രണാമം-വയലാർ രാമവർമ്മയുടെ വേർപാടിന്റെ ഓർമ്മദിനം...

Welcome....

prasanthkannom.blogspot.com

ഒക്ടോബർ-27

വയലാർ രാമവർമ്മയുടെ വേർപാടിന്റെ

ഓർമ്മദിനം...

പ്രണാമം

.................

വരിക വയലാർ വീണ്ടുമീ പുണ്യഭൂവിൽ

വരികളാൽ വർണ്ണവിസ്മയം തീർക്കുവാൻ

വർഷമേഘങ്ങൾ കൈകോർത്തിരിക്കയായ്

വിണ്ണിൽ നിൻകാവ്യശീലുകൾ മൂളുവാൻ

വളകിലുക്കുന്നു പൊൻകതിർകൂട്ടങ്ങൾ

വയലിൽ നിൻഗാനമാലിക ചാർത്തുവാൻ

വിശ്വപ്രേമം രചിച്ചൊരു ഗന്ധർവ്വാ

വിസ്മരിക്കില്ലനിൻ സൂര്യതേജസ്സിനേ...

ഹരിശ്രീ

WELCOME.....
prasanthkannom.blogspot.com
ഹരിശ്രീ
...............
അറിവിന്റെ ഹരിശ്രീ കൂറിക്കും കുരുന്നുകൾ
അലിവിന്റെ നിറകുടമാകും കുരുന്നുകൾ
അക്ഷരമമ്മയെന്നറിയും കുരുന്നുകൾ
ആദ്യാക്ഷരത്തെ നമിക്കും കുരുന്നുകൾ
അവനിയാമത്ഭുതമറിയും കുരുന്നുകൾ
അവനവനാരെന്നറിയും കുരുന്നുകൾ
അപരനുമാനന്ദമേകും കുരുന്നുകൾ
അടിമുടി ലോകത്തെ മാറ്റും കുരുന്നുകൾ

കടലാമയ് ക്കൊരു കൈത്തൊട്ടിൽ

WELCOME....
prasanthkannom.blogspot.com
സീഡ് പദ്ധതിക്ക് ആശംസകളോടെ....

കടലാമയ് ക്കൊരു കൈത്തൊട്ടിൽ
........................................................
കരയതു കാണാ കടലാണേ
കടലിന്നടിയിൽ കടലാമ
കടലാമയ് ക്കൊരു തുണവേണം
കടലോരൊത്തൊരു കൈത്തൊട്ടിൽ
കടലലമാലകൾ കൈകോർത്ത്
കരയിൽ താളം തീർക്കുമ്പോൾ
കടലാമയ് ക്കും മക്കൾക്കും
കൈത്താങ്ങാകാം ഒന്നായി

പ്രണാമം-പ്രിയ കഥാകാരൻ കാക്കനാടന്റെ ഓർമ്മ ദിനം....

WELCOME....

prasanthkannom.blogspot.com

ഒക്ടോബർ-19

 മലയാളത്തിന്റെ പ്രിയ കഥാകാരൻ കാക്കനാടന്റെ

വേർപാടിന്റെ ഓർമ്മ ദിനം....

പ്രണാമം

................

കഥയിൽ കാര്യവും കാലവുമൊളിപ്പിച്ച

കാക്കനാടിന്റെ പ്രിയ സഖേ

കാലമെത്ര കഴിഞ്ഞാലും

കാതിലെത്തുന്നു നിൻവരികൾ

കാലയവനികയിലിരുന്നു നീ

കാലചിത്രം ചമയ്ക്കുമോ

കാതോർത്തിരിപ്പൂ ഞങ്ങൾ

കണ്ണീരും കിനാവുമായ്...

Dr.A.P.J.അബ്ദുൾകലാം ജന്മദിനം-പ്രണാമം

WELCOME...

prasanthkannom.blogspot.com

ഒക്ടോബർ-15

  Dr.A.P.J.അബ്ദുൾകലാം ജന്മദിനം

പ്രണാമം

...............

രാമേശ്വരത്തിന്റെ പുണ്യമണ്ണിൽ

രാജയോഗത്താൽ പിറന്ന വീരൻ

രാഷ്ട്രപതിയായി ഭാരതത്തെ

രാജ്യതന്ത്രത്താൽ നയിച്ച ധീരൻ

രാജ്യത്തെ ആണവ ശക്തിയായ് 

രാസയോഗത്താൽ ചമച്ച രാജൻ

രാഷ്ട്രത്തിൻയുവതയെ ശക്തരാക്കാൻ

രാഷ്ട്രതന്ത്രം പഠിപ്പിച്ചൊരദ്ധ്യാപകൻ

രാജ്യമൊന്നായിന്നീ ജന്മനാളിൽ

രാജ നിൻ പാദം നമിച്ചിടുന്നേ..

വിജയദശമി

WELCOME...

prasanthkannom.blogspot.com

നവരാത്രി ആശംസകൾ....

വിജയദശമി

....................

കാർത്തികമാസത്തിൻ ശുക്ളപ്രഥമയിൽ

കാർത്ത്യായനീയെ സ്തുതിച്ചിടുന്നേ

ദിക്കുകളെട്ടും പാലിക്കുമീശരെ

ദ്വതീയനാൾ കുമ്പിട്ടു പ്രാത്ഥിച്ചിടാം

ത്രിമൂർത്തിസ്വരൂപൻ മഹേശ്വരൻ തൻപാദം

തൃതീയയിൽ താണുവണങ്ങിടേണം

ചതുർവിദ്യ നേടാൻ ചതുർമുഖൻതന്നോട്

ചതുർത്ഥി ദിനത്തിൽ യാചിച്ചിടാം

പഞ്ചേന്ദ്രിയങ്ങളും നന്നായുണർത്തുമേ

പഞ്ചമി നാളിലെ പാരായണം

ഷഡ് വൈരി നാശം വരുത്തീടുവാൻ

ഷഷ്ഠിയിൽ ഷൺമുഖാ നീയേ തുണ

സപ്തമാതാക്കളും പുത്രവാൽസല്യത്താൽ

സപ്തമിയിൽ കാത്തുരക്ഷിച്ചീടും

അഷ്ടസിദ്ധിക്കായി അഷ്ടാക്ഷരീമന്ത്രം

അഷ്ടമീനാളിൽ അനുഷ്ടിച്ചിടാം

നവതീർത്ഥംസേവിച്ച് നവദ്രവ്യം വന്ദിച്ച്

നവമിയിൽ നവദുർഗ്ഗാദർശനവും

വിജയങ്ങളൊന്നായ് വരുമത് നിർണ്ണയം

വിജയദശമി പുലരുംകാലം

പ്രണാമം-ചങ്ങമ്പുഴയുടെ നൂറ്റിനാലാം ജന്മദിനം

WELCOME.....

prasanthkannom.blogspot.com

ഒക്ടോബർ 11

 ചങ്ങമ്പുഴയുടെ

നൂറ്റിനാലാം ജന്മദിനം

പ്രണാമം

................

മലരണിക്കാടിന്റെ പാട്ടുകാരാ

മലകളും പുഴകളും കേണിടുന്നേ

മലനാടിൻ കിളികളും പൂക്കളെല്ലാം

മങ്ങിയ നിറമറ്റ ചിത്രമായി

മരുഭൂമി മനസ്സിലും വാസമായി

മരതക കാന്തിയിന്നോർമ്മയായി

മനതാരിൽ നീ തീർത്ത വർണ്ണകാവ്യം

മായാതെ മറയാതെ വാണിടട്ടേ...

പ്രശസ്ത അഭിനേത്രി മനോരമയ്ക്ക് ആദരാഞ്ജലികൾ.....

WELCOME....

prasanthkannom.blogspot.com

പ്രശസ്ത അഭിനേത്രി മനോരമയ്ക്ക്

ആദരാഞ്ജലികൾ.....

തമിഴകം വാണൊരു ദിവ്യ താരമേ

തനിമയും എളിമയും നിന്നിലല്ലോ

താരാലോകവും നമിക്കും മനോരമേ

തവപദങ്ങളിൽ അശ്രു പുഷ്പാഞ്ജലി..

കവിത-മനക്കണ്ണ്

WELCOME....

prasanthkannom.blogspot.com

ഒക്ടോബർ-10

  ലോക മാനസിക ആരോഗ്യ ദിനം

മനക്കണ്ണ്

.....................

മനക്കണ്ണിലിരുട്ടുമായ്

മറ്റേതോ ലോകത്ത്

മ്ളാനതതൻ മുഖവുമായ്

മൗനമായ് തേങ്ങലായ്

മനസ്സാം വികൃതിതൻ

മറവിതൻ ചിരിയുമായ്

മൃതിയുടെ കുരുക്കിലേറാൻ

മോഹിക്കുമിവരെ നാം

മനസ്സാൽ സ്നേഹിക്കാം

മനക്കണ്ണ് തുറപ്പിക്കാം

മനസ്സിൻ സൗഖ്യത്തിനായ്

മൗനമായ് പ്രാർത്ഥിക്കാം

കവിത-സല്യൂട്ട്

WELCOME...

prasanthkannom.blogspot.com

ഒക്ടോബർ-9

  ടെറിട്ടോറിയൽ ആർമി ദിനം

സല്യൂട്ട്

..............

ഭാരത മണ്ണിൻ വീരജവാൻമാർ

ഭാഗ്യം ചെയ് തൊരു ധീരൻമാർ

ഭേരി മുഴക്കി ഗമിക്കൂ നിങ്ങൾ

ഭീരുത്വത്തെ ഹനിക്കൂ നിങ്ങൾ

ഭാരതഭൂവിൻ ഭാസുരഭാവി

ഭദ്രം ദീപ്തം സൈന്യപദത്തിൽ

കവിത-കാഴ്ച

WELCOME....

prasanthkannom.blogspot.com

ഒക്ടോബർ-9

ലോക കാഴ്ച ദിനം

കാഴ്ച

..............

കണ്ണേ മടങ്ങുക

കണ്ണിമ ചിമ്മാതെ

കാണാകാഴ്ചകളിൽ

കണ്ണീരൊഴുക്കാതെ

കൺകെട്ടിൻ ലോകത്ത്

കൺകുറ്റം വരുത്താതെ

കൺകണ്ടോർക്ക് കണിയായ്

കണ്ണേ മടങ്ങുക

കവിത -കരിങ്കാക്ക

WELCOME....

prasanthkannom.blogspot.com

 കരിങ്കാക്ക

.......................

വന്നേ കറുമ്പൻ കരിങ്കാക്ക

വന്നേ കരുത്തൻ കരിങ്കാക്ക

കൊക്കു മൂർപ്പിച്ചവൻ

കാതു കൂർപ്പിച്ചവൻ

വന്നേ കുറുമ്പൻ കരിങ്കാക്ക

പിതൃകർമ്മവിധിയാം

ബലിച്ചോർ പുരളുവാൻ

വിധിയാൽ പിറന്ന കരിങ്കാക്ക

കൂടു കെട്ടാത്തവൻ

കൂട്ടം കൂടാത്തവൻ

വന്നേ വരാകൻ കരിങ്കാക്ക

വിഷവ്രണമേറിയ

ഭൂമി മാതാവിന്റെ

വിരിമാറു കാക്കും കരിങ്കാക്ക

കൊട്ടി വിളിച്ചാലും

ആട്ടിയോടിച്ചാലും

വട്ടം പറക്കും കരിങ്കാക്ക!...