Thursday 31 December 2015

യാത്ര തുടരാം

Welcome....

HAPPY NEW YEAR.....
യാത്ര തുടരാം
തുടക്കവുമൊടുക്കവുമറിയാത്തൊരീ ജീവിത യാത്ര....
ഒന്നറിയാം കൂട്ടിനു നീയുണ്ട്...നീ മാത്രം

'തത്ത്വമസി'...



Friday 18 December 2015

കുഞ്ഞണ്ണാനും കുട്ട്യോളും കവിതാ സമഹാരത്തിന്റെ ആദ്യ വില്പന.

Welcome....
prasanthkannom.blogspot.com


എന്റെ കുഞ്ഞണ്ണാനും കുട്ട്യോളും കവിതാ സമഹാരത്തിന്റെ
മാതൃഭുമി മുല്ലക്കൽ ചിറപ്പ് പുസ്തകമേളയിലെ ആദ്യ വില്പന.
 അൽസുല്ഫിക്കർ ശാലിനി മേരി ജോയിക്ക്  കോപ്പി നല്കുന്നു


Saturday 28 November 2015

വയലാർ സ്മൃതി മണ്ഡപം, വയലാർ,ആലപ്പുഴ

Welcome...
prasanthkannom.blogspot.com

28.11.2015
വയലാർ സ്മൃതി മണ്ഡപം, വയലാർ,ആലപ്പുഴ 
എന്റെ ‘കുഞ്ഞണ്ണാനും കുട്ട്യോളും’
കവിതാസമാഹാരം ശ്രീ.വയലാർ ശരത്ചന്ദ്രവർമ്മ ബാലസാഹിത്യകാരൻ ശ്രീ.ഉല്ലലബാബുവിനു നല്കി പ്രകാശനം ചെയ്യുന്നു





Friday 27 November 2015

പേന്‍

Welcome....
prasanthkannom.blogspot.com
പേന്‍
............
തലയില്‍ കേറി താമസമാണീ
വിരുതന്‍ ചെറുകരിവീരന്‍
തലമുടിനാരിന്‍ തണലില്‍ കഴിയും
വിരുതന്‍ ചെറുകടിവീരന്‍
തലമുടി ചീകാന്‍ മടി കാട്ടീടില്‍
പെരുകും പേനൊരു വീരന്‍
തലമുടി ചീകി വെടിപ്പാക്കീടില്‍
പായും ഈ ചെറു വീരന്‍

ഓണം

Welcome...
prasanthkannom.blogspot.com
ഓണം
..............
ഓണം വന്നോണമെന്നൊരുത്തന്‍
എന്തോണം വന്നോണമെന്നൊരുത്തന്‍
കടം കൊണ്ടോണമെന്നൊരുത്തന്‍
കാണം വിറ്റോണമെന്നൊരുത്തന്‍
കളികളുടെയോണമെന്നൊരുത്തന്‍
കള്ളമില്ലാത്തോണമെന്നൊരുത്തന്‍
അതെന്തോണമെന്നൊരുത്തന്‍
അതാണോണമെന്നൊരുത്തന്‍

‘കുഞ്ഞണ്ണാനും കുട്ട്യോളും’ പ്രകാശനം

Welcome.....
prasanthkannom.blogspot.com

എന്റെ കവിതാ സമാഹാരം
‘കുഞ്ഞണ്ണാനും കുട്ട്യോളും’
പ്രകാശനം
ശ്രീ.വയലാർ ശരത്ചന്ദ്രവർമ്മ
28.11.2015നു പകൽ 2.30നു
വയലാർ സ്മൃതി മണ്ഡപം,വയലാർ,ആലപ്പുഴ
മുഖചിത്രം-ഗിരീഷ് മക്രേരി
ചിത്രങ്ങൾ-എനിക്കൊപ്പം,അഭിരാമി കണ്ണോം
സ്വാഗതം......

Wednesday 25 November 2015

കുഞ്ഞണ്ണാനും കുട്ട്യോളും

Welcome.....
prasanthkannom.blogspot.com

കുഞ്ഞണ്ണാനും കുട്ട്യോളും
................................................
കുന്നിമരത്തിലെ കുഞ്ഞണ്ണാനും
കുന്നിന്‍ ചെരുവിലെ കുട്ടികളും
കഞ്ഞീം കറീയും കളിച്ചിടുന്നേ
കണ്ണാരം പൊത്തി ഒളിച്ചിടുന്നേ
കുന്നിക്കുരുവിന്റെ തോരനുണ്ടേ
കുമ്പളങ്ങാക്കറി വേറെയുണ്ടേ
കുട്ട്യോള്‍ക്ക് മാമ്പഴപ്പായസവും
കുട്ടയില്‍ കണ്ണന്‍ പഴവുമുണ്ടേ
കുട്ടികളെല്ലാം നിരന്നിരുന്നേ
കുഞ്ഞണ്ണാന്‍ സദ്യ വിളമ്പിടുന്നേ
കൂട്ടുകാരെല്ലാരും വന്നീടണേ
കൂട്ടത്തില്‍ സദ്യ രുചിച്ചീടണേ


സ്നേഹാദരസംഗമം

Welcome.....
prasanthkannom.blogspot.com
സ്നേഹാദര സംഗമം
പുസ്തക പ്രകാശനം

......................................
രാമകൃഷ്ണൻ കണ്ണോമിന്റെ
`അക്ഷരപ്രണാമം' ഗാനസമാഹാരവും
എന്റെ `കുഞ്ഞണ്ണാനും കുട്ട്യോളും'
കവിതാസമാഹാരവും വയലാർ ശരത് ചന്ദ്രവർമ്മ
പ്രകാശനം ചെയ്യുന്നു.
പ്രിയ കൂട്ടുകാർക്ക്
സ്വാഗതം......


Friday 20 November 2015

അടിതെറ്റിയാല്‍!

Welcome....
prasanthkannom.blogspot.com
അടിതെറ്റിയാല്‍!
.............................
പാലക്കാട്ടെ വേലപ്പന്‍
വേലകള്‍ കാട്ടും വീരപ്പന്‍
പാലം കേറി മറിഞ്ഞപ്പോള്‍
തലയും കുത്തി വീണല്ലോ!  
അടി തെറ്റുമ്പോള്‍ ആനക്കും
പതനം വരുമെന്നോര്‍ക്കേണം



Thursday 19 November 2015

എന്തൊരു പൂച്ച

Welcome....
prasanthkannom.blogspot.com
എന്തൊരു പൂച്ച
..............................
കൊച്ചീലുള്ളൊരു പൂച്ച
കൊച്ചമ്മിണിയുടെ പൂച്ച
കൊച്ചു വെളുപ്പാന്‍ കാലം
കൊച്ചീ ചന്തയിലെത്തി
കൊച്ചീ കടലിലെ മീനും
കൊച്ചീപ്പന്റെ മലക്കറിയും
കൊച്ചിനു വളയും വാങ്ങി  
കൊച്ചീക്കാരി പൂച്ച 


  

കീരിയും ചേരയും

Welcome.....
prasanthkannom.blogspot.com
കീരിയും ചേരയും
...................................
കീരിയും ചേരയും പോരടിച്ചു
വേരറ്റൊരാല്‍ മരക്കീഴിലായി
ചേരയെ തിന്നും ഞാനെന്നു ചൊല്ലി
ധീരനാം കീരി തലയുയര്‍ത്തി
കീരിതന്‍ വാലില്‍ കടിച്ചു തൂങ്ങി
വീരനാം ചേരയോ മല്ലടിച്ചു
ചോര പൊടിഞ്ഞിട്ടും വാലു മുറിഞ്ഞിട്ടും
വീരന്മാര്‍ പോരാട്ടം നിര്‍ത്തിയില്ല
നേരം ഇരുട്ടി കൊടുങ്കാറ്റടിച്ചപ്പോള്‍
ആല്‍ മരമമ്പൊ! നിലം പതിച്ചു
കീരിയും ചേരയും പോരു മറപ്പോള്‍
പോരാട്ടം നിര്‍ത്തി നെട്ടോട്ടമോടി

Friday 13 November 2015

കവിത ചൊല്ലാം-നന്മ നിറഞ്ഞ ചാച്ചാജി

Welcome......
prasanthkannom.blogspot .com

                                               നവമ്പർ -14
                                                ശിശുദിനം
                                   നന്മ നിറഞ്ഞ ചാച്ചാജി
                                   ........................................
                                         നെഹ്റുവിന്റെ ജന്മ നാൾ
നാം നമിക്കും നല്ല നാൾ
നമ്മിലുള്ള തിന്മ മാറ്റി
നന്മ നൽകും പുണ്യ നാൾ
നേർവഴിക്കു നീങ്ങിടാൻ
നാടിൻ നന്മ കാത്തിടാൻ
നമ്മളെല്ലാം നെഹ്റു തീർത്ത
നേരിൻ പാത താണ്ടണം
നല്ല വിദ്യ നേടണം
നീതി ബോധം കാക്കണം
നല്ലവരായ് നമുക്ക് ചുറ്റും
നന്മയാൽ നിറക്കണം

കവിത ചൊല്ലി രസിക്കാം -പൂങ്കിളിയോട്

Welcome..... 
prasanthkannom.blogspot.com

 പൂങ്കിളിയോട്
..........................
പൂമരക്കൊമ്പിലെ പൂങ്കിളിപെണ്ണേ നീ
പൂമരം പൂത്തത് കണ്ടില്ലേ?
പൂങ്കുല തന്നിലെ പൂന്തേന്‍ നുകരുവാന്‍
പൂത്തുമ്പി വന്നത് കണ്ടില്ലേ?
പൂമരം പൂത്തതും പൂത്തുമ്പി വന്നതും
പൂന്തേന്‍ നുകര്‍ന്നതും കണ്ടുവല്ലോ!
പൂമരക്കൊമ്പിലെ കുഞ്ഞള്‍ക്ക് ഞാനിപ്പോള്‍
പൂമധുവൂട്ടൂകയാണു കുട്ടീ

കവിത ചൊല്ലി രസിക്കാം - തത്തയോട്

Welcome....
prasanthkannom.blogspot.com

തത്തയോട്
.......................
പച്ച നിറമുള്ള കൊച്ചു തത്തേ
പച്ച നിറം നിനക്കാരു തന്നു?
പച്ച നിറവുമെന്‍ കൊച്ചുചിറകുമീ
പച്ചപ്പുമെല്ലാമേ തന്നതീശന്‍!

Monday 9 November 2015

ദീപാവലി നാളിൽ



ആശംസകളോടെ....
ദീപാവലി നാളിൽ
..........................
മണ്ണിൽ നന്മകൾ നിറയേണം
മാനവ സ്നേഹം വളരേണം
മധുര ചിന്തകളുണരേണം
മത വിദ്വേഷമകറ്റേണം
മദമാൽസര്യം വെടിയേണം
മന്ദത പാടെയകറ്റേണം
മംഗളകർമം ചെയ്യേണം
മനസ്സിൽ ദീപം തെളിയേണം.
-ജ്യോതിഷരത്നം പ്രശാന്ത് കണ്ണോം-

കവിത ചൊല്ലി രസിക്കാം - ഫാൻ

Welcome....
prasanthkannom.blogspot.com
ഫാൻ
.............
കറ കറ കുറു കുറു ഫാൻ
കറങ്ങിടുന്നൊരു ഫാൻ
കറന്റ് തിന്നും ഫാൻ
കാറ്റ് തരുന്നൊരു ഫാൻ
കറന്റ് പോയാൽ ഫാൻ
കറക്കമില്ലാ ഫാൻ
കറ കുറു നിർത്തും ഫാൻ
കളിചിരിയില്ലാ ഫാൻ

Tuesday 3 November 2015

ആയില്യം നാൾ മണ്ണാറശ്ശാല



WELCOME....




ആയില്യം നാൾ
മണ്ണാറശ്ശാല
.............................
നാഗങ്ങളെക്കാത്ത് പൂജിക്കും മണ്ണ്
നാഗരാജാവിന്റെ മണ്ണ്
നാകലോകം പോലും വന്ദിച്ചിടും മണ്ണ്
നാമം ജപിക്കുന്ന മണ്ണ്
നാട്ടു കൂട്ടങ്ങളും നാഗരികൻമാരും
നാഗശാപം തീർക്കും മണ്ണ്
നാടിന്റെ നന്മയ്ക്കായ് കാടിനെ കാക്കുന്ന
നാഗ മാതാവിന്റെ മണ്ണ്

Saturday 31 October 2015

കേരള പിറവി ദിനം

WELCOME....
നവമ്പർ 1
കേരള പിറവി ദിനം

കേരളം
............
കേരനിരകൾതൻ ശീതളച്ഛായയിൽ
കേരളമേ നീ വിളങ്ങീടുന്നു
കായലിൻ കുഞ്ഞോളം പുൽകുന്നതീരങ്ങൾ
കാടും മലയും കാട്ടാറുകളും
കുഞ്ഞരിപ്പൂക്കൾ കിളികൾ ശലഭങ്ങൾ
കനകം വിളയുന്ന പാടങ്ങളും
കാവുകൾ പള്ളികൾ ഉത്സവക്കാഴ്ചകൾ
കാലത്തിൻ കണ്ണാം കലാരൂപങ്ങൾ
കേരളം കാലത്തിനൊപ്പം കുതിക്കുമ്പോൾ
കൈകോർക്കാം സ്നേഹം പകർന്നു നീങ്ങാം

സർദാർ വല്ലഭായ് പട്ടേൽ ജന്മദിനം -പ്രണാമാം


WELCOME...
ഒക്ടോബർ 31
സർദാർ വല്ലഭായ് പട്ടേൽ ജന്മദിനം

പ്രണാമാം
..................
ഉരുക്കിൻ കരുത്തുമായ് ഭാരത ജനതയെ
ഉൾക്കാഴ്ചയോടെ നയിച്ച ധീരൻ
ഉയരങ്ങൾ താണ്ടുമ്പോൾ വിനയം വെടിയാത്ത
ഉത്തമനായ ഭരണാധിപൻ
ഉത്ഥാനവീരനാം സർദാർപട്ടേലിൻ
ഉള്ളുയിർ ശാന്തിക്കായ് പ്രാർത്ഥിച്ചിടാം

Wednesday 28 October 2015

പ്രണാമം-ചെറുകാടിന്റെ വേർപാടിന്റെ ഓർമ്മദിനം- പ്രശാന്ത് കണ്ണോം

Welcome....


ഒക്ടോബർ-28

പ്രശസ്ത സാഹിത്യകാരനായിരുന്ന
ചെറുകാടിന്റെ വേർപാടിന്റെ ഓർമ്മദിനം
പ്രണാമം
................
ചെമ്മലശ്ശേരിയാം പുണ്യഭൂവിൽ
ചെറുകാട് നാമത്തിൽ തൂലികയാൽ
ചെമ്മണ്ണിൻ ഗന്ധമറിഞ്ഞെഴുതി
ചെറുലോകം ചുറ്റും ചമച്ചെടുത്തു
ചെറുതല്ലൊരിക്കലും നിൻസൃഷ്ടിവൈഭവം
ചിരകാലം മണ്ണിൽ വിളങ്ങീടട്ടേ.....

Monday 26 October 2015

പ്രണാമം-വയലാർ രാമവർമ്മയുടെ വേർപാടിന്റെ ഓർമ്മദിനം...

Welcome....





ഒക്ടോബർ-27
വയലാർ രാമവർമ്മയുടെ വേർപാടിന്റെ
ഓർമ്മദിനം...
പ്രണാമം
.................
വരിക വയലാർ വീണ്ടുമീ പുണ്യഭൂവിൽ
വരികളാൽ വർണ്ണവിസ്മയം തീർക്കുവാൻ
വർഷമേഘങ്ങൾ കൈകോർത്തിരിക്കയായ്
വിണ്ണിൽ നിൻകാവ്യശീലുകൾ മൂളുവാൻ
വളകിലുക്കുന്നു പൊൻകതിർകൂട്ടങ്ങൾ
വയലിൽ നിൻഗാനമാലിക ചാർത്തുവാൻ
വിശ്വപ്രേമം രചിച്ചൊരു ഗന്ധർവ്വാ
വിസ്മരിക്കില്ലനിൻ സൂര്യതേജസ്സിനേ...

Friday 23 October 2015

ഹരിശ്രീ

WELCOME.....
prasanthkannom.blogspot.com
ഹരിശ്രീ
...............
അറിവിന്റെ ഹരിശ്രീ കൂറിക്കും കുരുന്നുകൾ
അലിവിന്റെ നിറകുടമാകും കുരുന്നുകൾ
അക്ഷരമമ്മയെന്നറിയും കുരുന്നുകൾ
ആദ്യാക്ഷരത്തെ നമിക്കും കുരുന്നുകൾ
അവനിയാമത്ഭുതമറിയും കുരുന്നുകൾ
അവനവനാരെന്നറിയും കുരുന്നുകൾ
അപരനുമാനന്ദമേകും കുരുന്നുകൾ
അടിമുടി ലോകത്തെ മാറ്റും കുരുന്നുകൾ



കടലാമയ് ക്കൊരു കൈത്തൊട്ടിൽ


WELCOME....
prasanthkannom.blogspot.com
സീഡ് പദ്ധതിക്ക് ആശംസകളോടെ....
കടലാമയ് ക്കൊരു കൈത്തൊട്ടിൽ
........................................................
കരയതു കാണാ കടലാണേ
കടലിന്നടിയിൽ കടലാമ
കടലാമയ് ക്കൊരു തുണവേണം
കടലോരൊത്തൊരു കൈത്തൊട്ടിൽ
കടലലമാലകൾ കൈകോർത്ത്
കരയിൽ താളം തീർക്കുമ്പോൾ
കടലാമയ് ക്കും മക്കൾക്കും
കൈത്താങ്ങാകാം ഒന്നായി

Sunday 18 October 2015

പ്രണാമം-പ്രിയ കഥാകാരൻ കാക്കനാടന്റെ ഓർമ്മ ദിനം....

WELCOME....
ഒക്ടോബർ-19
 മലയാളത്തിന്റെ പ്രിയ കഥാകാരൻ കാക്കനാടന്റെ
വേർപാടിന്റെ ഓർമ്മ ദിനം....

പ്രണാമം
................
കഥയിൽ കാര്യവും കാലവുമൊളിപ്പിച്ച
കാക്കനാടിന്റെ പ്രിയ സഖേ
കാലമെത്ര കഴിഞ്ഞാലും
കാതിലെത്തുന്നു നിൻവരികൾ
കാലയവനികയിലിരുന്നു നീ
കാലചിത്രം ചമയ്ക്കുമോ
കാതോർത്തിരിപ്പൂ ഞങ്ങൾ
കണ്ണീരും കിനാവുമായ്...

Wednesday 14 October 2015

Dr.A.P.J.അബ്ദുൾകലാം ജന്മദിനം-പ്രണാമം

WELCOME...
ഒക്ടോബർ-15
  Dr.A.P.J.അബ്ദുൾകലാം ജന്മദിനം

പ്രണാമം

...............
രാമേശ്വരത്തിന്റെ പുണ്യമണ്ണിൽ
രാജയോഗത്താൽ പിറന്ന വീരൻ
രാഷ്ട്രപതിയായി ഭാരതത്തെ
രാജ്യതന്ത്രത്താൽ നയിച്ച ധീരൻ
രാജ്യത്തെ ആണവ ശക്തിയായ് 
രാസയോഗത്താൽ ചമച്ച രാജൻ
രാഷ്ട്രത്തിൻയുവതയെ ശക്തരാക്കാൻ
രാഷ്ട്രതന്ത്രം പഠിപ്പിച്ചൊരദ്ധ്യാപകൻ
രാജ്യമൊന്നായിന്നീ ജന്മനാളിൽ
രാജ നിൻ പാദം നമിച്ചിടുന്നേ..

വിജയദശമി

WELCOME...
നവരാത്രി ആശംസകൾ....

വിജയദശമി
....................
കാർത്തികമാസത്തിൻ ശുക്ളപ്രഥമയിൽ
കാർത്ത്യായനീയെ സ്തുതിച്ചിടുന്നേ
ദിക്കുകളെട്ടും പാലിക്കുമീശരെ
ദ്വതീയനാൾ കുമ്പിട്ടു പ്രാത്ഥിച്ചിടാം
ത്രിമൂർത്തിസ്വരൂപൻ മഹേശ്വരൻ തൻപാദം
തൃതീയയിൽ താണുവണങ്ങിടേണം
ചതുർവിദ്യ നേടാൻ ചതുർമുഖൻതന്നോട്
ചതുർത്ഥി ദിനത്തിൽ യാചിച്ചിടാം
പഞ്ചേന്ദ്രിയങ്ങളും നന്നായുണർത്തുമേ
പഞ്ചമി നാളിലെ പാരായണം
ഷഡ് വൈരി നാശം വരുത്തീടുവാൻ
ഷഷ്ഠിയിൽ ഷൺമുഖാ നീയേ തുണ
സപ്തമാതാക്കളും പുത്രവാൽസല്യത്താൽ
സപ്തമിയിൽ കാത്തുരക്ഷിച്ചീടും
അഷ്ടസിദ്ധിക്കായി അഷ്ടാക്ഷരീമന്ത്രം
അഷ്ടമീനാളിൽ അനുഷ്ടിച്ചിടാം
നവതീർത്ഥംസേവിച്ച് നവദ്രവ്യം വന്ദിച്ച്
നവമിയിൽ നവദുർഗ്ഗാദർശനവും
വിജയങ്ങളൊന്നായ് വരുമത് നിർണ്ണയം
വിജയദശമി പുലരുംകാലം

പ്രണാമം-ചങ്ങമ്പുഴയുടെ നൂറ്റിനാലാം ജന്മദിനം



WELCOME.....

ഒക്ടോബർ 11
 ചങ്ങമ്പുഴയുടെ
നൂറ്റിനാലാം ജന്മദിനം
പ്രണാമം
................
മലരണിക്കാടിന്റെ പാട്ടുകാരാ
മലകളും പുഴകളും കേണിടുന്നേ
മലനാടിൻ കിളികളും പൂക്കളെല്ലാം
മങ്ങിയ നിറമറ്റ ചിത്രമായി
മരുഭൂമി മനസ്സിലും വാസമായി
മരതക കാന്തിയിന്നോർമ്മയായി
മനതാരിൽ നീ തീർത്ത വർണ്ണകാവ്യം
മായാതെ മറയാതെ വാണിടട്ടേ...

പ്രശസ്ത അഭിനേത്രി മനോരമയ്ക്ക് ആദരാഞ്ജലികൾ.....

WELCOME....

പ്രശസ്ത അഭിനേത്രി മനോരമയ്ക്ക്
ആദരാഞ്ജലികൾ.....

തമിഴകം വാണൊരു ദിവ്യ താരമേ
തനിമയും എളിമയും നിന്നിലല്ലോ
താരാലോകവും നമിക്കും മനോരമേ
തവപദങ്ങളിൽ അശ്രു പുഷ്പാഞ്ജലി..

Saturday 10 October 2015

കവിത-മനക്കണ്ണ്

WELCOME....
ഒക്ടോബർ-10
  ലോക മാനസിക ആരോഗ്യ ദിനം

മനക്കണ്ണ്
.....................
മനക്കണ്ണിലിരുട്ടുമായ്
മറ്റേതോ ലോകത്ത്
മ്ളാനതതൻ മുഖവുമായ്
മൗനമായ് തേങ്ങലായ്
മനസ്സാം വികൃതിതൻ
മറവിതൻ ചിരിയുമായ്
മൃതിയുടെ കുരുക്കിലേറാൻ
മോഹിക്കുമിവരെ നാം
മനസ്സാൽ സ്നേഹിക്കാം
മനക്കണ്ണ് തുറപ്പിക്കാം
മനസ്സിൻ സൗഖ്യത്തിനായ്
മൗനമായ് പ്രാർത്ഥിക്കാം

കവിത-സല്യൂട്ട്

WELCOME...

ഒക്ടോബർ-9
  ടെറിട്ടോറിയൽ ആർമി ദിനം

സല്യൂട്ട്
..............
ഭാരത മണ്ണിൻ വീരജവാൻമാർ
ഭാഗ്യം ചെയ് തൊരു ധീരൻമാർ
ഭേരി മുഴക്കി ഗമിക്കൂ നിങ്ങൾ
ഭീരുത്വത്തെ ഹനിക്കൂ നിങ്ങൾ
ഭാരതഭൂവിൻ ഭാസുരഭാവി
ഭദ്രം ദീപ്തം സൈന്യപദത്തിൽ

കവിത-കാഴ്ച

WELCOME....


ഒക്ടോബർ-9
ലോക കാഴ്ച ദിനം

കാഴ്ച

..............
കണ്ണേ മടങ്ങുക
കണ്ണിമ ചിമ്മാതെ
കാണാകാഴ്ചകളിൽ
കണ്ണീരൊഴുക്കാതെ
കൺകെട്ടിൻ ലോകത്ത്
കൺകുറ്റം വരുത്താതെ
കൺകണ്ടോർക്ക് കണിയായ്
കണ്ണേ മടങ്ങുക

Monday 5 October 2015

കവിത -കരിങ്കാക്ക

WELCOME....
prasanthkannom.blogspot.com
 കരിങ്കാക്ക
.......................
വന്നേ കറുമ്പൻ കരിങ്കാക്ക
വന്നേ കരുത്തൻ കരിങ്കാക്ക
കൊക്കു മൂർപ്പിച്ചവൻ
കാതു കൂർപ്പിച്ചവൻ
വന്നേ കുറുമ്പൻ കരിങ്കാക്ക
പിതൃകർമ്മവിധിയാം
ബലിച്ചോർ പുരളുവാൻ
വിധിയാൽ പിറന്ന കരിങ്കാക്ക
കൂടു കെട്ടാത്തവൻ
കൂട്ടം കൂടാത്തവൻ
വന്നേ വരാകൻ കരിങ്കാക്ക
വിഷവ്രണമേറിയ
ഭൂമി മാതാവിന്റെ
വിരിമാറു കാക്കും കരിങ്കാക്ക
കൊട്ടി വിളിച്ചാലും
ആട്ടിയോടിച്ചാലും
വട്ടം പറക്കും കരിങ്കാക്ക!...

Tuesday 29 September 2015

പ്രിയ കവയിത്രിയായിരുന്ന ബാലാമണിയമ്മയുടെ വേർപാടിന്റെ ഒാർമ്മ ദിനം

WELCOME...

ഇന്ന് സെപ്തംബർ-29
മലയാളത്തിന്റെ പ്രിയ കവയിത്രിയായിരുന്ന
ബാലാമണിയമ്മയുടെ വേർപാടിന്റെ ഒാർമ്മ ദിനം


പ്രണാമം
................................
വാത്സല്യാമൃതമൂട്ടിയൊരമ്മേ
വിണ്ണിൽ നീ പ്രഭ ചൊരിയുമ്പോൾ
വിങ്ങും മനസ്സുകൾ നിൻ കാവ്യത്തിൻ
വായ്മധുരാമൃതമറിയുന്നു
വന്ദനമമ്മേ തവ പാദത്തിൽ
വീണുവണങ്ങി നമിക്കുന്നേ

കല്ലേൻ പൊക്കുടന് ആദരാഞ്ജലികൾ.....

WELCOME....
പ്രശസ്ത പരിസ്ഥിതി പ്രവർത്തകനായിരുന്ന
കല്ലേൻ പൊക്കുടന് ആദരാഞ്ജലികൾ.....
................................................................

കണ്ടലിന്റെ കൺകണ്ട തോഴനേ
കണ്ടുകണ്ടങ്ങിരിക്കെ നീ യാത്രയായ്
ഇണ്ടലുണ്ടായി കണ്ടലും മൗനമായ്
വിണ്ടലത്തിൽ നീ ശോഭിപ്പൂ താരമായ്

രാധികാതിലകിന് ആദരാഞ്ജലികള്‍....

Welcome...

രാധികാതിലകിന് ആദരാഞ്ജലികള്‍....

രാഗധാരതൻ സ്നേഹവർഷമായ്
രാധികേ നീ ദിവ്യതാരമായ്
രോഗബീജത്തിൻ പ്രേമ ചുംബനം
രാഗദ്വേഷമില്ലാതെ നീ വരിച്ചുവോ.?
രോഗമില്ലാത്ത ലോകത്ത് രാഗമായ്
രാധികേ നീ വിരാജിപ്പൂ ശാന്തിയിൽ