പൂത്തുമ്പിയോട്

ചിങ്ങം വന്നേ പൂത്തുമ്പീ

ചില്ലകൾ പൂത്തേ പൂത്തുമ്പീ

പൂക്കളുണർന്നേ പൂത്തുമ്പീ

പൂന്തേനുണ്ണാം പൂത്തുമ്പീ.

പൊൻകതിരുണ്ടേ പൂത്തുമ്പീ

പൊൻ പട്ടുണ്ടേ പൂത്തുമ്പീ

പൂക്കളമുണ്ടേ പൂത്തുമ്പീ

പൂവിളിയുണ്ടേ പൂത്തുമ്പീ

ഊഞ്ഞാലാടാം പൂത്തുമ്പീ

ഊണു വിളമ്പാം പൂത്തുമ്പീ

ഓണം കൂടാം പൂത്തുമ്പീ

ഓടിയണഞ്ഞോ പൂത്തുമ്പീ

-പ്രശാന്ത് കണ്ണോം-

ഓർമ്മയിലെ സ്വാതന്ത്ര്യദിനം

(ബാലസാഹിത്യം)

പുഞ്ചിരിതൂകിയീ സ്കൂളിലിന്ന്

കുട്ടികളെല്ലാമണിനിരന്നേ

പുണ്യദിനമിന്ന് സ്വാതന്ത്ര്യ നാള്‍

കൂട്ടരെ ഓര്‍ക്ക നാം ഗാന്ധിജിയെ

പൂര്‍വ്വികര്‍ താണ്ടിയ പോര്‍വഴികള്‍

കുട്ടികളെ നാം പഠിച്ചിടേണം

പുസ്തകം നന്നായി വായിക്കണം

കൂട്ടരെ ഒന്നായി മുന്നേറണം

പുത്തന്‍ പ്രതിജ്ഞയെടുത്തിടേണം

കൂട്ടരേ സ്വാതന്ത്ര്യം കാത്തിടേണം

പ്രശാന്ത് കണ്ണോം