കേരങ്ങളെങ്ങും ചാഞ്ചാടിയാടുന്ന
കേരളമേയെന്റെ കേരളമേ
കേകികൾ പീലി വിടർത്തി നിന്നാടുന്ന
കേദാരമേ നിനക്കെന്തു ചന്തം
കേരലങ്ങൾ നീന്തും പൊയ്കകളും
കേളികൊട്ടുണരുന്ന കാവുകളും
കേരളമമ്മയാണല്ലൊ നമുക്കെന്നും
കേൾവികേട്ടുള്ളൊരു പുണ്യഭൂമി
കേരളത്തനിമയും മഹിമയും കാത്തിടാൻ
കേരളപ്പിറവിയിൽ പ്രതിജ്ഞ ചെയ്യാം
-പ്രശാന്ത് കണ്ണോം-
Saturday 31 October 2020
Saturday 24 October 2020
ആനന്ദം
(കവിതാ പൂരണം)
അൽപം ധൃതിയുണ്ടയ്യോ ആളുകൾ രാവും പകലും ഓടുന്നു
അവനവനാത്മ സുഖം നേടാനായ് പല പല പണികൾ ചെയ്യുന്നു
അന്യനു ദോഷം വരുമെന്നാലും ആനന്ദത്തേ തേടുന്നു
അനുദിനമിങ്ങനെ രാവുംപകലും ആയുസ്സിൽ നിന്നടരുന്നു.
-പ്രശാന്ത് കണ്ണോം-
കനൽ
കോലമുറയുന്നതുമീ മാനസത്തിൽ
കനിവൂറുന്നതും കലിയേറുന്നതും
കിനാവു കാണുന്നതും മാനസത്തിൽ
-പ്രശാന്ത് കണ്ണോം-
Wednesday 21 October 2020
'മേലത്ത് 'സ്മൃതിയിൽ
(പ്രൊഫ:മേലത്ത് ചന്ദ്രശേഖരൻ)
മാലോകർ വാഴ്ത്തിയ
മലയാളനാടിന്നഭിമാനമേ
അക്ഷരമായുധമാക്കിയും
അജ്ഞത പാടെയകറ്റിയും
അഗ്നിയായൂർജ്ജം പകർന്നും
കനിവാർന്ന മൊഴികളാൽ
കവിതകൾ തീർത്തൊരീ
കവിവര്യാ നിന്നെ കുമ്പിടുന്നേ.
-പ്രശാന്ത് കണ്ണോം-
Monday 19 October 2020
മാറ്റം നല്ലതിനാവട്ടെ
നല്ല പെരുമാറ്റത്തിലൂടെ പ്രവൃത്തികളിലൂടെ
നമുക്ക് ജീവിതത്തെ മാറ്റി മറിക്കാം.കഴിഞ്ഞു പോയ നിമിഷങ്ങളിലെ പോരായ്മകൾ തിരുത്തി മുന്നേറാം.നാം ഉറച്ചു തീരുമാനിച്ചാൽ മാറ്റിയെടുക്കാവുന്നതാണ് നമ്മുടെ ശീലങ്ങളെല്ലാം. മാറ്റം നല്ലതിനാവട്ടെ.
-ജ്യോതിഷരത്നം പ്രശാന്ത് കണ്ണോം-
Astrological Adviser :8848664869
prasanthamastro.blogspot.com
Sunday 18 October 2020
മനസ്സിനെ നിയന്ത്രിക്കാം
മനസ്സിനെ നിയന്ത്രിച്ചു നിർത്താൻ സാധന ആവശ്യമാണ്.പ്രപഞ്ച ശക്തിയിലുള്ള വിശ്വാസം അടിയുറച്ചാൽ മനസ്സിന് കടിഞ്ഞാണിടാൻ നമുക്കാകും.അല്ലെംകിൽ മനസ്സ് വികൃതിയായ ഒരു കുരങ്ങിനെപ്പോലെ പല അബദ്ധങ്ങളിലും അപകടങ്ങളിലും നമ്മെ കൊണ്ടെത്തിക്കും.നാമ ജപ സാധന ഉത്തമം.
-ജ്യോതിഷരത്നം പ്രശാന്ത് കണ്ണോം-
Astrological Adviser :8848664869
prasanthamastro.blogspot.com
അമ്മ
നന്മ ചെയ്യുന്ന മർത്യന്നു മണ്ണിതിൽ
കർമ്മദോഷം വരികില്ല നിർണ്ണയം
തിന്മ തീണ്ടാതെ മണ്ണിതിൽ വാഴുവാൻ
അമ്മ തന്നെ തുണ പാരിലാർക്കുമേ
-പ്രശാന്ത് കണ്ണോം-
Saturday 17 October 2020
കണ്ണനെക്കാണുവാൻ
കണ്ണനെക്കാണുവാനിന്നു പോണൂ
ഉണ്ണിയെക്കൂടിന്നു കൊണ്ടു പോണൂ
കണ്ണനെക്കണ്ടു തൊഴുതു വന്നാൽ
ഉണ്ണികൾക്കാനന്ദം തന്നെയെന്നും
കണ്ണന്റെ ലീലകൾ കേട്ടു നിത്യം
ഉണ്ണികൾ ഉത്സാഹ ശീലരായി
കണ്ണന്റെ കൂട്ടുപിടിച്ചിരുന്നാൽ
ഉണ്ണികൾ മണ്ണിൽ വിജയിച്ചിടും.
-പ്രശാന്ത് കണ്ണോം-
Sunday 11 October 2020
പുലരി
പുലരി എന്നും ശാന്തയാണ്
പുത്തൻ പട്ടുടുത്തൊരുങ്ങി
കണ്ണെഴുതി പൊട്ടും തൊട്ട്
നുണക്കുഴിച്ചിരിയുമായ്
വശ്യമനോഹരിയായവൾ
ഈ പുലരി നമ്മുടേതാണ്
വാരിപ്പുണരാമീ സുന്ദരിയെ
മധുരചുംബന മേകിടാം
സ്നേഹത്തിൻ പൂമെത്ത
അവൾക്കായി വിരിക്കാം.
-പ്രശാന്ത് കണ്ണോം-
കവിതാ പൂരണം
വളരട്ടെ സൗഹൃദം സദാതളരട്ടെ ശത്രുത
വളരട്ടെ സന്തോഷം സദാതളരട്ടെ സന്താപം
വളരട്ടെ സേവനം സദാതളരട്ടെ സ്വാർത്ഥത
വളരട്ടെ നന്മകൾ സദാതളരട്ടെ തിന്മകൾ .
-പ്രശാന്ത് കണ്ണോം-
Sunday 4 October 2020
വീഴ്ചകൾ
------------------
അയാൾ അയാളെ കണ്ടെത്താനുള്ള ശ്രമത്തിലാണ്.എപ്പോഴാണ് അയാൾക്ക് അയാളെ കൈവിട്ടു പോയതെന്നറിയില്ല.
ചില വീഴ്ചകൾ അങ്ങിനെയാണ്.അത് ജീവിത്തിന്റെ ഗതി മാറ്റി മറിക്കും.
അഗാധമായ ഗർത്തത്തിൽ പതിച്ചാൽ കയറി വരുക പ്രയാസമാണ്.
വിരഹം അനാവശ്യ ആരോപണങ്ങൾ ജീവിതത്തിലെ മറ്റ് ആകുലതകൾ
അയാൾ ഏതോ ഗർത്തത്തിൽ വീണുരുളുകയാണ്.
ആഹാരരീതികളും ചിട്ടകളും മാറിയതും
അയാളെ നഷ്ടപ്പെടുന്നതിന് കാരണമായിരുന്നിരിക്കാം.
ഒരു കാര്യം ഉറപ്പാണ്
അയാൾ അയാളെ കണ്ടെത്തും.
കൂടുതൽ കരുത്തോടെ
മുന്നേറുക തന്നെ ചെയ്യും.
-പ്രശാന്ത് കണ്ണോം-
Saturday 3 October 2020
ശരീരം ഓർമ്മകളുടെ ശേഖരം
മനസ്സിനേയും ശരീരത്തേയും ശുദ്ധമാക്കണം.
ഓർമ്മിക്കാൻ മനസ്സിനുള്ള കഴിവു പോലെ ശരീരവും ഓർമ്മകളുടെ ചെപ്പാണ്.ഓരോ സ്പർശവും ശരീരത്തിൽ ഓർമ്മകളുടെ ശേഖരം ഉണ്ടാക്കുന്നു.അതിനാൽ ശരീരത്തേയും നാം കരുതലോടെ കാക്കണം.
-ജ്യോതിഷരത്നം പ്രശാന്ത് കണ്ണോം-
Astrological Adviser :8848664869
prasanthamastro.blogspot.com
Friday 2 October 2020
നിരാശ അകറ്റാം
നിരാശ പതനത്തിലേക്കുള്ള വഴിയാണ്.സഫലമാകാത്തതിനെ ഓർത്ത് വേദനിക്കാതിരിക്കുക.ശുഭാപ്തി വിശ്വാസത്താൽ മനസ്സു നിറക്കുക.
സദാ സന്തോഷം നില നിർത്തുക.
സ്നേഹം പംകു വെക്കുക.
-ജ്യോതിഷരത്നം പ്രശാന്ത് കണ്ണോം-
Astrological Adviser :8848664869
prasanthamastro.blogspot.com
Subscribe to:
Posts (Atom)