റിപ്പബ്ളിക് ദിനാശംസകൾ

പിറന്നാൾ

അമ്മയിൽ നിന്ന് അമ്മയാം മണ്ണിലേക്ക് പദമൂന്നി ഒരു നുള്ളു ശ്വാസത്താൽ ചിണുങ്ങി കരഞ്ഞാനന്ദിച്ച ദിനം

കറിവേപ്പില

ജീവിതം പച്ചപിടിച്ചു വരുമ്പോൾ ഒരു കൈപിടിയിലൊതുങ്ങി ചുട്ടുപൊള്ളും രസക്കൂട്ടുകളിൽ സ്വത്വമുപേക്ഷിച്ച്
അനുഭവിച്ചവർക്ക് സ്വാദ് പകർന്ന് വലിച്ചെറിയപ്പട്ടവൾ..
ഇത് വിധി.കണ്ണീർ പൊഴിച്ചില്ല.
വിങ്ങുന്നൊരോർമ്മപ്പെടുത്തൽ മാത്രം..
-പ്രശാന്ത് കണ്ണോം-

ചെണ്ട

പിറന്ന നാൾ മുതൽ തല്ലു കൊള്ളാൻ തുടങ്ങിയതാ.തല്ലു കൊണ്ടു തന്നെ ഒടുങ്ങും.ഓരൊ തല്ലിനും തന്നിൽ നിന്നുയരുന്ന ശബ്ദത്തിന് ഒരു താളമുണ്ടെന്നും എല്ലാവരും ആ താളത്തിൽ ആനന്ദിക്കുന്നുവെന്ന തിരിച്ചറിവും അവളെ ജീവിപ്പിക്കുന്നു.
-പ്രശാന്ത് കണ്ണോം-

ഉത്തരവാദി(നാനൊ കഥ)

തിരിച്ചറിവ്

അയാൾ കണ്ണാടി കുത്തിപ്പോട്ടിച്ചു.

ചിതറി തെറിച്ച ഓരോ കഷണത്തിലൂം 

തന്റെ മുഖം അയാൾ കണ്ടു.

കുഴപ്പം കണ്ണാടിക്കല്ല .

തന്റെ മുഖത്തിനാണ് 

-പ്രശാന്ത് കണ്ണോം-

മനസ്സമാധാനം(നാനൊ കഥ)

അയാൾ പലതും മറന്നു പോയി.
സ്വന്തംനാടുംവീടുംഓഫീസും കുടുംബക്കാരേയുംഭാര്യയേയും കുട്ട്യോളേയും എന്തിനേറെ
സ്വന്തം പേരുപോലും.
ന്യൂ ഇയർ അടിച്ചു പൊളിച്ചു.ഒരു തരത്തിൽ നന്നായി അന്ന് പുറത്ത് നടന്ന
കോലാഹലങ്ങളൊന്നുംഅറിയാതെ അയാൾ മനസ്സമാധാനത്തോടെ കിടന്നു.