പലഹാരപ്പാട്ട്- ചപ്പാത്തി

ചപ്പാത്തിയുണ്ടേ പോരുന്നോ
ചങ്ങാതികളേ മടിയാതേ
ചിക്കൻ കറിയും റെഡിയാണേ
ചൂടാറാതേ തിന്നാൻ വാ.
-പ്രശാന്ത് കണ്ണോം-

പലഹാരപ്പാട്ട്-പുട്ട്

കുറ്റി നിറച്ചും പുട്ട് ചുട്ടേ
കുത്തരി കൊണ്ടുള്ള പുട്ട്
കുഞ്ഞിക്കടല കറിയും കൂട്ടി
കുട്ടികളെല്ലാരും പുട്ടുതിന്നേ.
-പ്രശാന്ത് കണ്ണോം-

പലഹാരപ്പാട്ട്- വട

വടയും ചുട്ടു വരുന്നുണ്ടേ
വടുവശ്ശേരീയമ്മൂമ്മ
വടയുടെ കൂടെ കൂട്ടാനായ്
വടുവപ്പുളിയുടെ ചമ്മന്തി
-പ്രശാന്ത് കണ്ണോം-

പലഹാരപ്പാട്ട്- ഇഡലി

ഇഡലി കഴിക്കാനെന്തു രസം
സാമ്പാറുണ്ടേൽ ബഹുകേമം
ഇഡലീം തേങ്ങച്ചട്ടിണിയും
സ്വാദോടൊത്ത് കഴിക്കാൻ വാ
-പ്രശാന്ത് കണ്ണോം-

വിശ്വശാന്തിക്കായ് പരിശ്രമിക്കാം

''ഇളം കാറ്റിനും ഉഷ്ണമാണ്.''
ചില്ലയിളക്കി ചെറുമരങ്ങൾ അടക്കം പറയുന്നു.ശിശിരകാല മദ്ധ്യാന്നങ്ങളിൽ
പക്ഷിമൃഗാദികൾ നീർതേടിയലയുന്നു.
പകലോൻ പൊൻപ്രഭയിൽ അജയ്യനായി
ചിരിക്കുന്നു.ഭൂമി മാതാവ് മക്കളെ നെഞ്ചോടു ചേത്തുപിടിച്ചു കേഴുന്നു.മനുഷ്യ മക്കൾ പരസ്പരം പോരടിക്കുന്നത് ആ അമ്മനിസ്സഹായതയോടെനോക്കിനിൽക്കുന്നു.നാമെല്ലാം ആ അമ്മയുടെ കുഞ്ഞോമനകൾനാം പോരടിക്കരുത്.യുദ്ധം വേണ്ടേ വേണ്ട.വരും തലമുറയെ ഓർത്തെംകിലും നാംസമാധാനത്തിനായി ശ്രമിക്കണം.അമ്മയുടെ മാറിടം പിളർക്കരുത്.അരുത്...യുദ്ധം ഒരു പരിഹാരമല്ല.യുദ്ധം നാശം വിതക്കും.
യുദ്ധമില്ലാത്ത കാലത്തിനായ് ആശിക്കാം.
വിശ്വശാന്തിക്കായ് പരിശ്രമിക്കാം.

പലഹാരപ്പാട്ട്- ദോശ

കേശു ചുട്ട ദോശ
ദോശ നല്ല ദോശ
കാശിനെട്ടു ദോശ
ദോശ തിന്നാനാശ
-പ്രശാന്ത് കണ്ണോം-

രാഷ്ട്രീയം (കഥ)

അയാൾ പനിനീർച്ചെടി നട്ടു.
അന്നയാൾക്കുറങ്ങാൻ കഴിഞ്ഞില്ല
ചെടിയിൽ വേരു പിടിക്കുമോ..?കിളിർത്ത് പനിനീർ പൂക്കൾ വിടർന്ന് പരിലസിക്കുമോ..?
അയാൾ പിറ്റേന്ന് അതിരാവിലെ എഴുന്നേറ്റ് ചെടിയുടെ അരികിലെത്തി.വേര് പിടിച്ചോന്നറിയാൻ മണ്ണിളക്കി ...
ചെടി ഇളക്കിയെടുത്തു നോക്കി...
നിരാശയോടെ വീണ്ടും കുഴിച്ചിട്ടു.
അയാൾ അന്നും ഉറങ്ങിയില്ല.
അടുത്ത ദിവസവും അതാവർത്തിച്ചു.
പിന്നീടങ്ങോട്ട്  അത് തുടർന്നു കൊണ്ടേയിരുന്നു.
-പ്രശാന്ത്  കണ്ണോം-