പലഹാരപ്പാട്ട്-പൊറോട്ട

പൊറോട്ടയുണ്ടേ കുട്ടികളേ
പെട്ടെന്നോടിപ്പോന്നോളൂ
മുട്ടക്കറിയും കൂട്ടീട്ട്
കേട്ടോ അധികം തിന്നല്ലേ.
-പ്രശാന്ത് കണ്ണോം-

പലഹാരപ്പാട്ട്- ചപ്പാത്തി

ചപ്പാത്തിയുണ്ടേ പോരുന്നോ
ചങ്ങാതികളേ മടിയാതേ
ചിക്കൻ കറിയും റെഡിയാണേ
ചൂടാറാതേ തിന്നാൻ വാ.
-പ്രശാന്ത് കണ്ണോം-

പലഹാരപ്പാട്ട്-പുട്ട്

കുറ്റി നിറച്ചും പുട്ട് ചുട്ടേ
കുത്തരി കൊണ്ടുള്ള പുട്ട്
കുഞ്ഞിക്കടല കറിയും കൂട്ടി
കുട്ടികളെല്ലാരും പുട്ടുതിന്നേ.
-പ്രശാന്ത് കണ്ണോം-

പലഹാരപ്പാട്ട്- വട

വടയും ചുട്ടു വരുന്നുണ്ടേ
വടുവശ്ശേരീയമ്മൂമ്മ
വടയുടെ കൂടെ കൂട്ടാനായ്
വടുവപ്പുളിയുടെ ചമ്മന്തി
-പ്രശാന്ത് കണ്ണോം-

പലഹാരപ്പാട്ട്- ഇഡലി

ഇഡലി കഴിക്കാനെന്തു രസം
സാമ്പാറുണ്ടേൽ ബഹുകേമം
ഇഡലീം തേങ്ങച്ചട്ടിണിയും
സ്വാദോടൊത്ത് കഴിക്കാൻ വാ
-പ്രശാന്ത് കണ്ണോം-

വിശ്വശാന്തിക്കായ് പരിശ്രമിക്കാം

''ഇളം കാറ്റിനും ഉഷ്ണമാണ്.''
ചില്ലയിളക്കി ചെറുമരങ്ങൾ അടക്കം പറയുന്നു.ശിശിരകാല മദ്ധ്യാന്നങ്ങളിൽ
പക്ഷിമൃഗാദികൾ നീർതേടിയലയുന്നു.
പകലോൻ പൊൻപ്രഭയിൽ അജയ്യനായി
ചിരിക്കുന്നു.ഭൂമി മാതാവ് മക്കളെ നെഞ്ചോടു ചേത്തുപിടിച്ചു കേഴുന്നു.മനുഷ്യ മക്കൾ പരസ്പരം പോരടിക്കുന്നത് ആ അമ്മനിസ്സഹായതയോടെനോക്കിനിൽക്കുന്നു.നാമെല്ലാം ആ അമ്മയുടെ കുഞ്ഞോമനകൾനാം പോരടിക്കരുത്.യുദ്ധം വേണ്ടേ വേണ്ട.വരും തലമുറയെ ഓർത്തെംകിലും നാംസമാധാനത്തിനായി ശ്രമിക്കണം.അമ്മയുടെ മാറിടം പിളർക്കരുത്.അരുത്...യുദ്ധം ഒരു പരിഹാരമല്ല.യുദ്ധം നാശം വിതക്കും.
യുദ്ധമില്ലാത്ത കാലത്തിനായ് ആശിക്കാം.
വിശ്വശാന്തിക്കായ് പരിശ്രമിക്കാം.

പലഹാരപ്പാട്ട്- ദോശ

കേശു ചുട്ട ദോശ
ദോശ നല്ല ദോശ
കാശിനെട്ടു ദോശ
ദോശ തിന്നാനാശ
-പ്രശാന്ത് കണ്ണോം-