ഒരു വിത്തു പാകണം മണ്ണിൽ നമ്മൾ

ഒരു വിത്തു ഹൃത്തിലും സൂക്ഷിക്കണം

ഒരുമിച്ചു കൂടണം സ്നേഹം പകരണം

ഒരു പുതുവർഷത്തെ നെഞ്ചിലേറ്റാൻ

-പ്രശാന്ത് കണ്ണോം-

ആശംസകൾ

കേരള മണ്ണിൽ മലബാറിന്റെ

കേൾവികേട്ടുള്ള കവിവരന്മാർ

കേശവതീരത്തിൻ ഹൃത്തിലിന്ന്

കേളിതമാമൊരു കൂട്ടായ്മയായ്.

നേരുന്നു നൻമകളാശംസകൾ

നേരിന്റെ സൗഹൃദക്കൂട്ടായ്മക്ക്

നേർക്കാഴ്ച മാനസേ കണ്ടിടുന്നു

നേർവഴിയിൽ വീണ്ടുമൊത്തു ചേരാം

-പ്രശാന്ത് കണ്ണോം-

കിണറിന് ഉത്തമ സ്ഥാനം

ഭവനത്തിന്റെ ഈശാന കോണ് കിണറിന് ഉത്തമമാണ്.അത് അഭിവൃദ്ധിയുണ്ടാക്കും.
കിഴക്ക് ഐശ്വര്യവും അഗ്നികോൺ പുത്രനാശവും  തെക്ക് സ്ത്രീനാശവും
പടിഞ്ഞാറ് സമ്പൽ സമൃദ്ധിയും വായുകോണിൽ ശത്രുവർദ്ധനയും വടക്ക് സുഖാനുഭവങ്ങളും ഫലം.തെക്ക് പടിഞ്ഞാറേ മൂലയിൽ വരുകയാണെങ്കിൽ  അത് കൂടുതൽ പടിഞ്ഞാറോട്ട് മാറി ഇന്ദ്രജിത്ത് പദം എന്ന സ്ഥാനത്തു വരുന്ന രീതിയിലായിരിക്കിയാൽ ഉത്തമം.
-ജ്യോതിഷരത്നം പ്രശാന്ത് കണ്ണോം-
Astrological Adviser :8848664869
prasanthamastro.blogspot.com

റിപ്പബ്ളിക് ദിനം

ജനുവരി വന്നേയിരുപത്താറിന്

റിപ്പബ്ളിക് ദിനമോർക്കേണം

ജനബലമേറും ഭാരത ഭൂവിൻ

സ്വാതന്ത്ര്യ സ്മൃതിയുണരേണം

ജനനായകനായ് നമ്മെ നയിച്ച

ഗാന്ധിജിയേ നാമോർക്കേണം

ജനിച്ച നാടിൻ സ്വാതന്ത്ര്യത്തേ

ധീരതയോടെ നാം കാക്കേണം.

-പ്രശാന്ത് കണ്ണോം

ക്രിസ്മസ്

മാനത്തു താരകം പൂത്ത നേരം

മാലാഖമാരൊത്ത് വന്നനേരം

മാലോകർക്കാനന്ദമേകിടാനായ്

മാനവനായ് മണ്ണിൽ വന്നു യേശു

കാലത്തിൻ നാഥനാമുണ്ണിയേശു

കാലിത്തൊഴുത്തിൽ പിറന്ന ദിനം

ക്രിസ്തുമസ് നാളായി പാരിലെങ്ങും

കാലങ്ങളായെന്നുമാഘോഷിപ്പൂ

ക്രിസ്തുമസ് ട്രീകളും സ്റ്റാറുകളും

കുട്ടിപ്പടയുടെ ബാന്റ് മേളോം

ക്രിസ്തുമസ് പപ്പയും വന്നണഞ്ഞേ

ക്രിസ്തുമസ് കേക്ക് മുറിച്ചിടാലോ.

-പ്രശാന്ത് കണ്ണോം-

സുഗതകുമാരിക്കു പ്രണാമം

അമ്മയാം മണ്ണിനെ ഈറനണിയിച്ച്

അക്ഷര മുത്തശ്ശി യാത്രയായ്

ആത്മാവ് തൊട്ടറിഞ്ഞീ കാവ്യലോകത്ത്

അക്ഷരവിസ്മയം തീർത്തു വെച്ച്

അമ്പിളിമാമനും താരങ്ങളും വാഴും

ആകാശക്കോവിലിൽ നീ വിളങ്ങും.

പൂമരച്ചില്ലയിൽ പൂംകുയിൽ തേങ്ങുന്നു

പൂന്തേൻ നുകരാതെ തുമ്പി വിതുമ്പുന്നു

പുംകിളിക്കൂട്ടങ്ങളാർത്തു കരയുന്നു.

പൂമരം മൗനമായ് പൂക്കളുതിർക്കുന്നു

പൂമാനം കുംകുമ കാന്തി കവരുന്നു

പൂജ്യയാം കവയത്രീ വിണ്ണിൽ വിളങ്ങു നീ.

-പ്രശാന്ത് കണ്ണോം-