മുകളിൽ ആകാശവും
താഴെ ഭൂമിയും
പേര മരച്ചോട്ടിലെ
കുഞ്ഞനുറുമ്പുകളും
നാണംകുണുങ്ങികളായ
തൊട്ടാവാടി ചെടികളും കൂട്ട്
ആകാശത്തിലെ മേഘജാലങ്ങൾ
തിടുക്കത്തിൽ പായുകയാണ്
ഇളകി വീശുന്ന കാറ്റിൽ
പേര ഇലകൾ
പൊഴിഞ്ഞു വീഴുന്നു
കോവിഡു കണക്കിൽ
നേരിയ കുറവ്
മൂടിക്കെട്ടിയ മുഖങ്ങൾ
മറഞ്ഞു പോകുന്ന കണ്ണുകൾ
വൈറസുകൾക്ക്
പക്ഷഭേദം ഇല്ല
അവയ്ക്ക് മുകളിൽ
ആകാശവും
താഴെ ഭൂമിയും
നാം കരുതിയിരിക്കണം
ജീവവായു തരുന്ന മരങ്ങളെ
പ്രാണനെ പോലെ
പരിരക്ഷിക്കണം
പേര മരം മൗനമായ്
മൊഴിഞ്ഞു.
-പ്രശാന്ത് കണ്ണോം-
No comments:
Post a Comment