എവിടെയും ആളനക്കമില്ല
നാട്ടിൻപുറത്തെ ഒഴിഞ്ഞ
പീടികത്തിണ്ണകൾ പലതും
നായ്ക്കൾ താവളമാക്കി
അവയ്ക്ക് മാസ്ക് വേണ്ട
സാമൂഹ്യ അകലം ബാധകമല്ല
തെരുവിൽ അലയുന്ന
പിച്ചക്കാർ എങ്ങുപോയി?
ഇരുചക്രങ്ങളും ഒറ്റ വണ്ടികളും
ശൂന്യമായ റോഡിന് സാന്ത്വനമേകുന്നു
ആംബുലൻസിന്റെ ചിറിപ്പാച്ചൽ
കാതടപ്പിക്കുന്നു കരളിൽ കുത്തുന്നു
കൊറോണക്ക് കൂട്ടായി മഴയും
അടച്ചു പൂട്ടലിന് ആക്കം കൂട്ടി
കാക്കിയിട്ട പോലീസുകാർ
അങ്ങുമിങ്ങും ജാഗ്രതയിലാണ്
തളരാതിരുന്നാൽ തീരത്തണയാം
മുഖം മൂടിയില്ലാ കാലത്തിനായ്
കരുതലോടെ കാത്തിരിക്കാം
-പ്രശാന്ത് കണ്ണോം-
No comments:
Post a Comment