സ്നേഹ ഗീതം (ഷഷ്ഠിപൂർത്തി)
ചൊല്ലെഴും കണ്ണോത്ത് ജാതനായ
കീർത്തിമാൻ കണ്ണൻ ഉദയവർമ്മൻ
പെരുമയുള്ളൂരാകും എരമത്തിലെ
പുണ്യവതിയാകും കുഞ്ഞാതിക്കും
ആറു പതിറ്റാണ്ട് മുമ്പൊരു നാൾ
സീമന്ത പുത്രനായ് ഭൂജാതനായ്
രാമനും കൃഷ്ണനും ഒന്നു ചേർന്ന
നാമത്താൽ പേരു പ്രസിദ്ധമായ്
വിദ്യയും വാണിയും ഒന്നു ചേർന്ന്
വിദ്വാനായ് മാറിയ കർമ്മയോഗി
കവിതയും ഭാഷണ ചാതുര്യവും
അഭിനയം നേതൃത്വ പാഠവവും
സഹനവും സേവന കർമ്മങ്ങളും
ഒത്തു വിളങ്ങിയ പുണ്യ ശ്രീമാൻ
പത്രപ്രവർത്തനം അദ്ധ്യാപനം
വിത്തമിടപാട് ചെയ്യും ബേങ്കും
ഈ കർമ്മധീരന്റെ വൈഭവത്തിൻ
പുണ്യം അറിഞ്ഞിടമേറെയാണ്.
ആകാശവാണിയും ദൂരദർശൻ
കാഴ്ചക്കാരേറും സിനിമയിലും
വിനയം വിടാതെ വിജയിച്ചവൻ
തൻ മുദ്ര ചാർത്തിയ താരമായി
ഈ ഷഷ്ഠിപൂർത്തിയിലാദരവാൽ
ഞങ്ങളർപ്പിക്കുന്നു സ്നേഹഗീതം
നേരുന്നു ആയുസ്സുമാരോഗ്യവും
നേരുന്നു നാടിന്റെ ആദരവും.
-പ്രശാന്ത് കണ്ണോം-
No comments:
Post a Comment