Welcome ....
prasanthkannom.blogspot.com
ഇതു നേരാണോ...?
കള്ള കാമുകന്‍
.............................
ഓറ്(ഹസ്ബെന്റ്) പോകുമ്പം ഒറ്റ കാര്യാ പറഞ്ഞേ.
'നീയിതീന്ന് ഫേസ്ബുക്കുംചാറ്റിംഗും ഒന്നുംവേണ്ടാട്ട്വാ...
കാലം നല്ലതല്ലാ....'
കരിനാവാ....രണ്ടോമൂന്നോ കൊല്ലെത്തുമ്പം
ഗള്‍ഫീന്ന് ബെരും ഇങ്ങനെ ഓരോ ആപ്പും
ബെച്ചാ പോവ്വ്വാ....
എന്താണേലും ഇത്തവണ നല്ല മൊഞ്ചുള്ള
ഫോണും(ഓപ്പോ 4G) തന്നാ മൂപ്പരു പോയേ...
ചെക്കനും(മോന്‍,+2കഴിഞ്ഞു റിസല്‍ട്ടു കാത്തിരിക്കുന്നു...)കൊടുത്തു ഒരെണ്ണം മുന്തിയതാ....!
ഫേസ്ബുക്കില്‍ പേരുമാറ്റി ഒരു മൊഞ്ചത്തീടെ
പടോം ബെച്ച് തന്നത് ഒാളാ(അയല്‍ക്കാരി പെണ്ണ് ,പഠിത്തം നിര്‍ത്തി.കല്ല്യാണ ചെക്കനായി കാത്തിരുപ്പാ...)
ഒലിപ്പിക്കുന്ന ചെക്കന്‍മാര് ഇങ്ങനെ ചാടികൊത്തുമെന്ന് കരുതീല.....
എത്രെണ്ണാ.....ഫേസ്ബുക്കില്‍ ....തരാതരല്ലേ..
ഓള് ചാറ്റിംഗ് പഠിപ്പിച്ചത് കുരിശായിരിക്ക്യാ...
അങ്ങേരു കരിനാക്കു വെച്ചല്ലേ പോയേ....
ഒരു ചെക്കനേക്കൊണ്ട് ഒരു രക്ഷ്യേല്ല....
ഓന് നേരിട്ടു കാണണം...പിന്നേ പലതും....
എന്നേം കൊണ്ടേ പോവൂ...
മാരണായീന്ന് പറഞ്ഞാ മതി.....
എന്റെ ചെക്കനെ(മോന്‍)ങ്ങാനറിഞ്ഞാല്‍
എന്താ പുകില്.....
കാര്യമിങ്ങനൊക്ക്യാണേലും
വഴിവിട്ടു നടന്നിട്ടില്ലിതുവരേം...
ഇതെതന്തായിപ്പോ കഥ...?
ഓന ഒഴിവാക്കീല്ല്യേ രക്ഷീല്ല....
ഓളു(അയല്‍ക്കാരി പെണ്ണ് )പറഞ്ഞിട്ടാ
ഓനെ പര്‍ക്കിലേക്ക് പ്രേമം നടിച്ച് ക്ഷണിച്ചതും
തല്ലാന്‍ രണ്ടാളെ(ബംഗാളികള്‍) ബെച്ചതും.
എനിക്കോനക്കാണേണ്ട....അതാ പാര്‍ക്കിനു
പൊറത്ത് മാറി നിന്നേ....
ഓനിട്ടു വരേണ്ട ഡ്രെസ്സും...
അടയാളമായി പിടിക്കേണ്ട ബുക്കും....പൂവും..
എല്ലാം പറഞ്ഞിട്ടുണ്ട്.....
ഓളെ(അയല്‍ക്കാരി പെണ്ണി ന്റെ)ബുദ്ധി
അപാരം....
'ചേച്ചീ ആളക്കിട്ടീ..ബേണ്ടരീതിക്ക് കൊടുത്തേക്കണ്.....
ഇങ്ങോട്ടൊന്ന് ബന്നേ...
ബാക്കി കാശും എട്ത്തോ.....!?'
ഓപ്പോ(4G)ചിലച്ചു....തല്ലു ടീമാ...
ഏതായാലും ആ മഹാനെ(ചെക്കനെ)
ഒന്നു കണ്ടു കളയാം...
കമിഴ്ന്നു കെടക്ക്യാ ....ചുള്ളന്‍....
അടയാളപ്പുസ്തകം എന്നെ നോക്കി
ചിരിക്കുന്നു(പരിഹാസത്തില്‍)
'കാഞ്ചനമാല'(പുതിയ കോപ്പി ....)പിടിവലിയില്‍
കീറിയിരിക്കുന്നു.....
അടയാളപ്പൂവ് ഇതളറ്റു കിടക്കുന്നു....
പര്‍ക്കില്‍ ആളുകള്‍ തീരേയില്ല....
ഓന്(ചുള്ളന്‍ )ഏങ്ങിക്കരയുന്നുണ്ട്..
അവരോനെ മെല്ലെ മലര്‍ത്തി.....
'മോനേ....നീ...നീയോ....'!!!???
നൊന്തു പെറ്റ ആ അമ്മയുടെ നിലവിളി പാര്‍ക്കിനെ പ്രകമ്പനം കൊള്ളിച്ചു....
അങ്ങേരുടെ ഒടുക്കത്തെ കരിനാക്ക്...
No comments:
Post a Comment